Shalih bin Fauzan al-Fauzan

Shalih bin Fauzan bin Abdillah Al-Fauzan (Saro Arab: صالح بن فوزان بن عبد الله الفوزان; tubu 28 September 1935) ima sahalak ulama Islam na ro sian Arab Saudi na manjabat gabe mufti agung Arab Saudi paopatkon dot saonnari olat ni 22 Oktober 2025. Ibana dianggap gabe sada sian ulama na umpompar jala na ummalo i bagasan gerakan Salafi.

Al-Fauzan juo marupoan anggota Dewan Ulama Senior Arab Saudi dot dewan fikih i Makkah na marsaor dohot Liga Dunia Islam, anggota Komite Pangawas di aranan ni penceramah saleleng musim haji, rap dohot anggota Komite Tetap di Panilittian Ilmiah dot Patua i Karajaan Arab Saudi. Salain ni i, ibana juo marperan gabe imam, khatib, jala guru i Masjid Pangeran Mutaib bin Abdulaziz Al Saud i ibu kota Karajaan Arab Saudi, Riyadh. Ibana ambar mandaloi sungkun-sungkun i program radio Nūr ʿAlā ad-Darb jala sai tong mangalehen sumbangsih tu jurnal-jurnal ilmiah i bagasan bantuk panilittian, kajian, surat, dot patua.

Biografi

Shalih al-Fauzan marasal sian kaluarga (Alu) Fauzan sian suku Asy-Syamasiyah, ima panduduk na manonggopi lumbah Ad-Dawasir. Omputana monding i tingki ibana dope poso-poso, jadi parlobaan ibana iopang dohot dipagodanghon kaluargana. Ibana marsiajar Al-Qur'an dot dasar-dasar mambaca (qiraah) dot manulis (kitabah) tu Hamud bin Sulaiman at-Tala'al, ima sahalak Qari na matong jala imam masjid i kotana na muse gabe hakim i Kota Dar'iyyah i Propinsi Qasim.

Ibana muse masuk tu sikola nagari na baru tarbukak i Syamasiyah i taon 1369 H, muse manotophon pangajaran dasar ni ibana i Madrasah Faishaliyah i Buraidah i taon 1371H. Disan, ibana ditotaphon gabe guru i sikola dasar on. Satolang ni i, ibana masuk tu Ma'had Al-'Ilmi i Buraidah i tingki baru tarbukak i taon 1373 H, paima tamat i taon 1377 H. I taon na sarupo, ibana manjoloang kuliah i Fakultas Syari'ah Universitas Islam Imam Muhammad bin Saud i Riyadh paima tamat i taon 1381 H. Satolang ni i, ibana manjoloang kuliah paima marobi gelar Magister i bagasan bidang fikih, muse gelar Doktoral i universitas na sarupo i bagasan bidang fikih.

Panarasan

Satolang ni manotophon program doktoralna, ibana diangkat gabe guru i Ma'had Al-'Ilmī (Institut Ilmu Pangatauan) i Universitas Islam Imam Muhammad bin Saud i Riyadh. Ibana muse dipaonjak mangajar i Kullīyat Asy-Syarī'ah (Fakultas Syariah), muse mangajar i program pascasarjana i Kullīyat Uṣūlddīn (Fakultas Dasar-Dasar Agama), muse i Ma'had Al-'Ālī lil-Qaḍāʾ (Institut Gogo Kehakiman) na muse diangkat gabe direkturna. Satolang ni i, ibana manjabat gabe katua Mahkamah Agung Arab Saudi sadia ni mulak mangajar satolang ni masa jabatanna ni ibana marujung.

I taon 2013, ibana diangkat gabe anggota Dewan Ulama Senior (Hai'ah Kibaril Ulama), ima lembaga kaagamoan na umgogo i Karajaan Arab Saudi na langsung mangalehen nasehat tu Raja Arab Saudi. Ibana juo saonnari gabe anggota dewan fikih i Makkah Al-Mukarramah na marsaor dohot Liga Dunia Islam (Rabithah Al-Alam Al-Islami), rap dohot anggota Komite Tetap di Panilittian Ilmiah dot Patua (Al-Lajnah Ad-Da'imah lil Buhuts Al-Ilmiyyah wal Ifta'), ima sada komite na i toru ni Dewan Ulama Senior. Dewan on mangaluarhon kaputusan (patua) i bagasan bidang fikih (hukum Islam) jala manyiapkon makalah panilittian di Dewan Ulama Senior. Ibana juo marupoan anggota Komite Pangawas di aranan ni penceramah saleleng musim haji.

Salain ni i, ibana manjabat gabe imam, khatib, jala guru i Masjid Pangeran Mutaib bin Abdulaziz Al Saud i ibu kota Karajaan Arab Saudi, Riyadh. Ibana marupoan sada sian ulama na utama i program radio Nūr 'Alā ad-Darb, na digambarhon gabe “sada sian program na ummatua dot na umtontu na disiarhon i saluran radio Al-Qur'an, i dia sajo ulama na tarbarita mandaloi sungkun-sungkun jala mangalehen patua.” Ibana juo sai rutin mangalehen sumbangsih tu jurnal-jurnal ilmiah i bagasan bantuk panilittian, kajian, surat, dot patua. Salain ni i, ibana manogu godang tesis ilmiah i tingkat magister dot doktoral, jala godang pandoli ilmu na mangeahi majelis rap dohot pangajaran rutin sian ibana na marobi ilmu langsung i toru ni panoguon ni ibana.

Guru-Guru dot Murid-Muridna

Dr. Shalih Fauzan madung mambuat ilmu na bahat sian ulama (masyaikh) na godang ahli fiqh, na terkebal ima diantara na :

Abdul Aziz bin Baaz
Abdullah bin Humaid, Al-Fauzan dahulu rutin menghadiri pengajiannya di Buraidah.
Muhammad al Amin asy-Syinqithi
Abdurrazaq Afifiy
Shalih bin Abdurrahman As-Sukaiti
Shalih bin Ibrahim Al-Bulaihi
Muhammad bin Subail
Abdullah bin Shalih Al-Khulaifi
Ibrahim bin Ubaid al-Abdul Muhsin
Hamud bin Aqlan
Ali’ An-Nashir
Dia juga belajar pada beberapa ulama Al Azhar Mesir pada bidang hadits, tafsir dan bahasa arab.
Dia juga belajar pada sejumlah ulama dari Universitas Al-Azhar Mesir yang mumpuni dalam bidang hadist, tafsir, dan bahasa Arab.

Ibana (Syekh Shalih Al-Fauzan) maroban godang murid sian sude panjuru portibi na marobi ilmu i partumpuan dot pangajaran tetap ni ibana. Sada sian nasida marasal sian Indonesia ima:

Dzulqarnain bin Muhammad Sunusi Al-Makassari (tubu 12 Agustus 1976) manang na takana juo gabe Ustadz Dzulqarnain Sunusi ima sahalak penceramah dot hafiz Al-Qur’an dohot metode qira’at (bacaan) Hafsh ‘an ‘Ashim na sanad riwayatna didokon ro sahat tu Rasulullah ﷺ marhite dalan Asy Syathibiyyah dot Thayyibah An-Nasyr. Dzulqarnain marupoan sada sian pandiri dot mudir pondok pesantren As-Sunnah Makassar, jala panurat buku dakwah Salafi.

Karya

Shalih Al-Fauzan nunga maroban andil na godang i panabitakon riset-riset panilittian Islam jala sabagian nunga dibukuhon. Ibana mangarang i bagasan jumlah na bolon na dialih basahon tu ragam basa, i tonga-tonga ni karaja ni ibana ima:

At Tahqiqat Al Mardhiyyah Fil Mabahits Al Fardhiyyah. Ini merupakan tesis beliau untuk gelar magister. (sada jilid)
Ahkam Al Ath’imah Fii Asy Syari’ah Al Islamiyyah. Ini merupakan tesis beliau untuk gelar doktoral. (sada jilid)
Al Irsyad Ila Shahihil I’tiqaad. (sada jilid)
Syarhul Aqidah Al Wasithiyyah. (sada jilid)
Al Bayaan Fima Akhta’ Fihi Ba’dhil Kitab. (sada jilid)
Majmu’ Muhadharaat Fil Aqidah Wad Da’wah. (dua jilid)
Al Khuthab Al Mimbariyyah Fil Munasabaat Al ‘Ashriyyah. (opat jilid)
Min ‘Alaam Mujaddiddin Fil Islaam.
Rasaail Fil Mawadhi’ Mukhtalifah
Majmu’ Fatawa Fil ‘Aqidah Wal Fiqhi. Yang diambil dari acara Nuurun ‘Ala Ad Darb dan dijilid menjadi empat jilid.
Naqdu Kitabil Halaal Wal Haraam Fil Islam.
Syarh Kitab At Tauhid
At Ta’qiib ‘Ala Ma Dzakarahu Al Khatib Fii Haqqi Syaikh Muhammad bin Abdil Wahhab.
Mulakhash Al Fiqhi. (dua jilid)
Ithaafu Ahlil Iman bi Duruusi Syahri Ramadhan
Adh Dhayaa’ Al Laami’ Minal Ahadiits Al Qudsiyyah Al Jawaami’
Bayaanu Maa Yaf’aluhu Al Haaj Wal Mu’tamir
Kitab At Tauhid. Ada dua jilid yang diperuntukan bagi madrasah tsanawiyah.
Fatawa Wal Maqaalat. Yang disebarluaskan oleh majalah Ad Da’wah. Atau yang dikenal dengan Kitab Ad Da’wah.