Provinsi Sumatera Utara
| Sumatera Utara | |||
|---|---|---|---|
| Provinsi di Indonesia | |||
| |||
| Semboyan: Tekun Berkarya, Hidup Sejahtera, Mulia Berbudaya | |||
 Peta | |||
| Negara |
 Indonesia | ||
| Hari jadi | 15 April 1948 | ||
| Ibukota | Medan | ||
| Kota na godang | Kota Binjai, Pematang Siantar, Gunung Sitoli, Padangsidimpuan, Kota Tanjung Balai|Tanjung Balai, Sibolga, dot Kota Tebing Tinggi | ||
| Jumlah satuan pemerintahan |
Daftar
| ||
| Pamarentahan | |||
| • Sekretaris Daerah | Hasban Ritonga | ||
| Bolak | |||
| • Total | 72,981,23 km2 (28,178,21 sq mi) | ||
| Populasi | |||
| • Total | 13,937,797 (Sensus 2.015) | ||
| • Paringkat | 4 | ||
| Demografi | |||
| • Ugamo |
Islam 63.91% Karisten Protestan 27.86% Katolik 5.41% Buddha 2.43% Hindu 0.35% Konghucu 0.02% Parmalim/Parmalim 0.01% Lain-lain 0.01% [1] | ||
| • Alak |
Batak 41.95%, Jawa 32.62% Nias 6.36%, Melayu 4.92% Tionghoa 3.07%, Minangkabau 2.66% Banjar 0.97% dot Lain-lain 7.45% [2] | ||
| • Saro | Indonesia, Saro Toba Karo, Pakpak, Simalungun, Angkola, Mandailing, Nias, Minangkabau, Malayu, Jawa | ||
| Dasor hukum | UU 10/1948, UU 24/1956 | ||
| APBD | Rp8.679.942.294.100,- [3] (2015) | ||
| Situs web | www.sumutprov.go.id | ||
Sumatera Utara Ima sada provinsi na adong di Indonesia namaringanan i Pulo Sumatera. Ibukota dohot kota nagodangna ima Medan. Adong pe bolak ni luak on ima 72.981,23 km2 on ma luasna sannari nung do ibaen sumatera utara on manjadi provinsi[4].
Sejarah
[pature | pature sumber]Kuno
[pature | pature sumber]Adong pe alai na parjolo i daerah on ima alai na mampunai gambaran dohot cirina tingon Austro Melanesoid, on pe idapoti alai tingon artefak na dapot ima na larak isadun tingon on maso prasejarah ma ma ima i zaman Mesolitikum (zaman batu tonga) on ma tar sobar tu bangian tingon timur Indonesia sampai tu pulo Irian baru sambirang tingon Sumatera Utara dohot samananjung malayu ma. Alak-alak Austro-Melanesoid on pe tinggal ma i bagasan ni guo-guo baru nung i i topi-topi ni aek donok tu laut tan bage ma alat nalaipe nales ngon tulang tanduk baru karang bagen ma. Halak-halak Austro-Melanesoid na tinggal i Sumatera Utara on pe mangolu na tingo on kerang, siput baget ma. Siput on ma nador i pangan alai i incop alai bagen ma baru sarang nai pe ibaen ipakumpul alai songkoni i sada tompat.[5]
Modern
[pature | pature sumber]I maso pamarentahan Bolanda, Sumatera Utara marupahon sada pamarentahan na margolar Gouvernement van Sumatra dohot luakna sude pulo Sumatera, na di uluon sada Gubernur na maringanan di kota Medan.
Sidung kamerdekaan, di sidang naparjolo Komite Nasional Daerah (KND), Provinsi Sumatera dungni dibagi manjadi tolu sub provinsi ima : Sumatera Utara, Sumatera Tengah, dohot Sumatera Selatan. Provinsi Sumatera Utara on ima panggortopan ni tolu luak administratif na didokon karesidenan ima : Keresidenan Aceh, Karesidenan Sumatera Timur, dohot Karesidenan Tapanuli.
Dohot ibaenma Undang-Undang Republik Indonesia (R.I.) No. 10 Tahun 1948 di tanggal 15 April 1948, ditotapkonma molo Sumatera ibagi menjadi tolu provinsi na masing-masing marhak mengatur dohot mangurus rumah tanggana sendiri ima: Provinsi Sumatera Utara, Provinsi Sumatera Tengah, dohot Provinsi Sumatera Selatan. Tanggal 15 April 1948 satorusna ditotapkonma manjadi hari jadi Provinsi Sumatera Utara.
di pangkal taon 1949, dibaenma mulak reorganisasi pamarentahan di Sumatera. Dohot Keputusan Pemerintah Darurat R.I. Nomor 22/Pem/PDRI pada tanggal 17 Mei 1949, jabatan Gubernur Sumatera Utara diagoon. Satorusna dohot Katetapan Pamarentah Darurat R.I. di tanggal 17 Desember 1949, ibelontuk Provinsi Aceh dohot Provinsi Tapanuli/Sumatera Timur. Dungni, dohot Paraturan Pamarentah Pangganti Undang-Undang No. 5 Tahun 1950 i tanggal 14 Agustus 1950, kaputusan i dicabut dohot dibontuk mulak Provinsi Sumatera Utara.
Dohot Undang-Undang R.I. No. 24 Tahun 1956 na diundangkon i tanggal 7 Desember 1956, dibontuk Daerah Otonom Provinsi Aceh, Ima luak Provinsi Sumatera Utara deba manjadi luak Provinsi Aceh.
Geografi
[pature | pature sumber]Provinsi Sumatera Utara gananna i 1° - 4° Lintang Utara dan 98° - 100° Bujur Timur, bolak ni tano na Provinsi Sumatera Utara 72.981,23 km².
Sumatera Utara di dasorna bisa dibagi sian:
- Pasisir Timur
- Tor Bukit Barisan
- Pasisir Barat
- Kepulauan Nias
Pasisir timur ima luak i dibagasan provinsi na paling copat parkembanganna harana parsyaratan infrastruktur na relatif lumobi lengkap sian luak nalainna. Luak pasisir timur juo marupaon luak na relatif rami konsentrasi nialakna dibandingkon luak nalainnai. I maso kolonial Hindia Belanda, luak on tarmasuk residentie Sumatra's Oostkust dohot provinsi Riau.
Di luak tonga provinsi marsusun Tor Bukit Barisan. Di Tor on adang sadebana luak na manjadi inganan konsentrasi penduduk.
Pasisir barat marupaon luak na tar sompit, dohot komposisi alakna na ima masyarakat Batak, Minangkabau, dohot Aceh. Tai secara kultur dohot etnolinguistik, luak naonan masuk tu bagasan budaya dohot saro Minangkabau.
Sumberna
[pature | pature sumber]- ↑ "Provinsi Sumatera Utara Dalam Angka 2016"
- ↑ Indonesia's Population: Ethnicity and Religion in a Changing Political Landscape. Institute of Southeast Asian Studies. 2003.
- ↑ Peraturan Gubernur Sumatera Utara Nomor 38 Tahun 2014
- ↑ https://www.bpkp.go.id/sumut/konten/236/
- ↑ https://repositori.kemdikbud.go.id/24642/