Aronduk

Aronduk boti adangan ima sada alat tradisional nasian Mandailing, guna ni aronduk on pas tarsongon tas di maso sannari. Biasona tarida maon inang-inang mamakena pala kehe tu saba, tu poken sanga pe tu orja pada maso najolo. Aronduk ibaen sian bulung ni pandan nadi bayu ukuranna tarsagodang ni tas jingjing naipake ni inang inang pala tu poken. Arondukon adong talina naibayu ngon bulung ni pandan juo. Guna ni tali naon ima sandangan tu abara ni namamake nai. Mulo-mulona najolo paroban niboal naipake nialak mandailing goarna andilo dohot adangan, kagunaanna dohot aronduk hampir sarupo. Andilo di baen ngon bobak ni ayu, adangan (kadangan) naibaen ngon otang. Benna ibaen ngon pandan aronduk on hum lambok sahinggo inang-inang bahatan mamake aronduk pala giot maroban boal tu saba sanga pe tu parusahoan nalain.