Balige
Balige ima sada kota nadi kabupaten toba na uli nadi topi ni tao toba. Di Balige adong sada bontean nab alga. Bontean on ma na padomuhon parau-parau na ngon daerah Tapanuli Utara, dot Kabupaten Humbang Hasundutan nadi topi ni tao toba sanga tu Pulo Sa- mosir. Balige ma onok jadi kota parboniagaan dohot panghasea eme ni toba. Biasona halak dison mangula, marniaga, pardengke, marpinahan, dohot marsitipahan.[1]
Kota Balige on mampuna panatapan na deges, ima sada na di Pantai Pasir Putih Bulbul. Pantai on dipature dengan anso manjadi topothon halak molo martandang tu son songon mar parau, banana boat, dohot kareta pasir.
Pantai na seder mambaen halak na ro manjadi sonang na get mar lange sanga marmayam di topi ni pantai on. Dengke na nida di topi ni tao on pe mambaen halak get mangkail, bope na holan na modal Kail dohot umpan sajo.
Parbornginan pe bahat do di Kota Balige on. Burju ni halak dison pe manjadi modal pangambangon wisata di balige on. Panganon na halal bahat do sannari tarsadia di kota balige on.
Kemajemukan dohot kebhinnekaan tarpature hian ngon sosial ni kemasyarakatan Kota Balige. Panarik ni kota balige gabe kota budaya pe digalangi banda ni Sisingamangaraja XII na gabe Pahlawan Nasional. Di Museum ni T.B. Silalahi gabe galangi abahan dapot iligi sanga sonjia masyarakat Batak Toba on molo mangula, marsitipahan, markobun, dohot mardengke. Ngoluon on ma na dominan adong di masyarakat Kabupaten Toba.
Dong manang na piga Pantai lalin nadong di daerah Kecamatan Balige songon pantai ni Tarabunga, dohot Pantai na di Lumban Silintong. Tarabunga marupahon daerah wisata nabahat I partandangkon halak baen bagak na pantai nai dohot di topi ni tolping. Pantai Lumban Silintong ima pantai na baga, pasir ni pantai nai hias, bontar, dot tandol.
Penarik ni pantai on mangontang wisatawan so marmayam dohot maridi tu pantai. Selain I, dong dope na di dokon Pahoda di Kecamatan Balige namampuna panatapan na deges. Balerong Balige mampuna arsitektur na deges dohot hiasan ornamen batak na mambaen I gabe mewah dohot memukau.