Gordang Sambilan

Tabu sanga gordang

Gambar ni Gordang Sambilan na adong i samping ni bagas ni halak

Gordang Sambilan on ma sada kesenian tradisional sian Mandailing Natal, ijiama gordang namararti gendang pula i artion tu saro Indonesia sambian artina sembilan (9) pula i saro Indonesia. satiop gordang marbeda-beda doi ukuran na i ima namambaen suara nai jadi marbeda-beda.

Najolo gordang sambilanon imaenkon pas acara-acara na sakral maiya on, tai nung sannari gordang sambilan mandung dor imainkon apalagi pas acara orja, siriaon, sanga manarimo tamu sian luar daerah gordang sambilan pe imaenkon pasmanyambut acara nagodang songkonon arirayo idul fitri.

Ukuran ni gordang nai pe marbeda-beda do i muloi on lanjang dohot bolak na satiop gondang i adong dei ukran na masing-masing dohot satiop gondang pe marbeda do bolak na, garis ni panampang na paling godang ima ima sakitar 60 (onom puluh) cm manokokna inda porlu 9 (sambilan) halak harana 1 (sada) sangape 2 (dua) halak ma bisa i manokok 2 gondang baru pamukul nai ibaen on hayu. I samping gondang sambilan i adong dei gondang tunggu-tunggu dua ima dua gondang na ukuran na lobi  menek siang gordang sambilan, pula gordang sambilan pa nokok nai ibaen on hayu jadi pula gondang tunggu-tunggu dua on panokokna ima tangan do langsung i.

Na manokok sangape na mamaen kon gordang sambilan dohot gondang tunggu-tunggu dua on lobi deges dohot lobi manarik ipake ma baju na sarangam dohot warn ana ima gabungan on nalara, na lomlom, dohot na bontar. Na dua alat musik on i maenkon ima i acara siriaon sangape perta adat pula gordang sambilan i maenkon so meriah acara nai gondang tunggu-tunggu dua I maen kon sakaligus mangiringi tor-tor sangape mangoban pangantin lao sian on pelaminan.

Gordang sambilan on adong do i klasifikasina sasuai dohot ukuran nai muloi on nagodang sampe na menek, na paling godang i dokon dohot jagat baru panokok nai idokon panjagati, baru na ukuran nai partongaan idokon panigai dohot udong kudong, bar una paling menek idokon tepe-tepe. Gordang sambilan i simpan i halaman bagas godang adong i baen sopona juo ima golarna sopo godang.

Sabalum agama islam masuk i mandailing najolo ima I ompu ni ompuna gordang sambilan on ipake alai sarana ipake mamiyo roh-roh na idokon si baso. Carana ima dohot mamukul na dengan sesuatu upacara khusus dohot iringan irama na khusus. Isamping i igunaon juo tu manurunkun udan sangape mangantak udan.