Hannibal Hamlin
![](http://upload.wikimedia.org/wikipedia/commons/thumb/7/7f/Hannibal_Hamlin%2C_photo_portrait_seated%2C_c1860-65.jpg/220px-Hannibal_Hamlin%2C_photo_portrait_seated%2C_c1860-65.jpg)
Hannibal Hamlin (sorang i Paris, Oxford County, Maine, 27 Agustus 1809 – maninggal i Bangor, Maine, 4 Juli 1891 i umur 81 taon) ima Wakil Presiden Amerika Serikat na pa-15. Ia marsikola i donok bagasnia dot Akademi Hebron, torus pature auma puna amangnia. I piga taon sidungi, ia karejo i bidang : kapala sikola, koki, tukang ayu, surveyor, manajer i parusahaan surat kabar i Paris dot panyusun uruf i parusahaan parcetakan. Ia marsiajar i fakultas uhum dot manjadi pangacara i 1833. Torus ia muloi praktik pangacara i 1833 i kota Hampden dot tinggal isodun sampe 1848.
Karir politiknia imuloi atia manjadi anggota DPRD negara bagian Maine i 1836. Ia juo dohot marporang i Porang Aroostook taon 1839 dot maninggalkon DPRD taon 1841. Ia tarpili manjadi anggota DPR AS taon 1843-1847. Torus ia tarpili manjadi Senator i 1848-1851.
I pangkal karirnia, ia ima anggota Partai Demokrat na mandukung pancalonan Franklin Pierce manjadi presiden AS taon 1852. Ia tarbonggal manjadi tokoh vokal na manontang parhatoban. I taon 1854, ia manontang pambaenab undang-undang Kansas-Nebraska Bill na mancabut UU Pasada Missouri. Sidung Partai Demokrat pasah pancabutan Konvensi Cincinnati dua taon sidungi, Hannibal Hamlin mamutuskon giot mundur mabjadi anggota partai i 12 Juni 1856. Hal on mambaen ribur nasional. Sidungi ia top dohot Partai Republikan Amerika Serikat.