Holongdohotdomu

Sistem sosial budaya ima poda nadiihutkon dohot sitiopon sude halak sahuta. alak mandailing tarida ngon parpikiranna dahot pangalahona namangobankon antusan “holong dohot domu”. Ima holong artina kasih sayang,marsiholongan dohot domu artina rosu,saroa, salumpat saindege, rap tu jae rap tujulu. poda holong dohot domu on mulai tingon simatobangna sampe tupomparanna do on di tularkon, sian ajaran simatobang niba artina simatobang niba do on nautamo namangelehen umpama. tarida mai tingon parange ni halak na sabagas, halak nasahuta sampe tu harajaon.Sude partuturan dohot pangalaho ni halak mandailing angkon namarujung do tu antusan domu dohot holong do sudena.Ima pala halak na malanggar poda on idokon mai alak naso maradat sangape naso marparaturan. Di halak mandailing adong do ragam nijolma, ima halak najaji dohot namora. ima namambedaon jugukan nijolma di paradaton. halak namora di mandailing ima margelar Raja, Sutan, Mangaraja, dohot Baginda,halak namora marbeda do on pangalahona, pangkulingna, dohot singkop ni parabitonna. jadi tarida do on pangalaho ni halak nai di huta. Halak na ro muse tu huta anggo zaman sebelum merdeka bope nabahat hepengna, di bagasan adat dan budaya mandailing, bagas ni on, angkon namartangga bulu maia on na tola. inda tola on mambangun bagas najeges bope alak naro on alak namaradong. Sude harus mangihutkon poda sitiopon ni sude halak sahuta. dung merdeka sampe sannari budaya naoan madung tartinggal, tai anggo poda holong dohot domui totopdo sitiopon ni halak sahuta.

Holong dohot domu ima poda sitiopon ni halak mandailing na wajib torus dijago namambeda on budaya nita ngen halak na asing.