Horja Haroan Boru

Horja Haroan Boru on ma horja na i baen i bagas ni halak lai sanga pe bayo, ima i dokon pula on pihak ni boru na ni oli acara nai idokon horja pabuat boru pula i bagas ni kaluarga ni bayo ima idokon horja haroan boru. Pula ma tolab ari na mandung i rencanaon i sian kaluarga ni bayo naget mambaen orja na godang i huta sangape kampung nai ima horja mangoban boru. Pula ma tolab ari na mandung i rencanaon naget horja haroan boru on ima naget patobang anak (mewakili anak laki-laki) ima tongkin nai naget manghadopi horja na godang on, sian kaluarga alak lai sangape suhut mangundang sude kaluarga get marpokat. Biasona ipajolo dei marpokat sabagas, baru marpokat saripe, baru nung i marpokat sahuta.

Pula mandung marpokat sahuta ima suhut manjelaskon naget marmaksud mangkarejoon horja na godang, baru mangharob bantuan tu sude halak anso bisa sarab ipature sude acara nai samuloi on awal sampe siap, i acara arpokat (musawarah) on ma i dokon dohot ipapasti naga ise do na dot rombongan naget mangalap boru on, ise do na manarimo, ise na martanggung jawab tu masalah mangan ni tamu, kesenianna, undangan dohon nalain nai pas acara on muloi. sesuai ma dohon prinsip ni dalihan na tolu pula adong na horja sudena nangkon na i libatkon don muloi on pikiran dana dohot tenaga.

Mangalo-alo Boru Dohot Manjagit Boru

Nung do bayo pangolin dohot boru na i oli sampe i kampung bayo pangolin i mandailing godang alai isambut dohot acara na i dokon mangalo-alo boru. Pengantin na ro biasona pula na on nadao (manaek motor) inda langsung i turun i jolo bagas nangkon na ibaen dei lao i sakitar 500 m (lima ratus) sabelum sampe tu bagas, na isambut dohot acara adat muloi on gondang, marsilat, panyung na gorsing, tombak, podang baru barisan ni kaluarga pengan tin sian bayo sampe tu jolo pintu.

Alai i payungi dohot payung na gorsing i, i jolo dua halak na poso mambuka dalan ima dohot mangayun-ayunkon dohot manarion podang ima so sekalian mambuka dalan baru mangiyut barisan bujing-bujing na mamakai abit adat, i belakang nai adong buseng poso-poso na mangoban tombak ima sabagai pengawalna, baeuma i belakang nai pengantin nai na i togu-togu anak boru, bayo pangolin i togu-togu amangboru na kiri dohot kanan baru boru na i oli baru i togu-togu namboru on bayo pangoli on kiri dohot kanan nai, i belakan nai mangiut rombongan panokok gondang susunan nai i atur sadenges na mungkin anso tarida denges. I jolo pintu bangas mandung painteon ka dua orang tua nai ima uda dohot inaguda nai manarimo panganti ni halak lai nai dohot boru nai, amang nai dohot uda nai manogu bayo pagoli sodangkon umak dohot inaguda nai manogu boru na i oli baru mangoban na anso ipajuk i ginjang ni amak lampis.

Kaluarga bayo pangoli na mangoban dohot pataru boru na i oli juk ipantar paradatan, napatu naro on pihak na boru na i oli baru manyerahkon boru na i oli tu kaluarga bayo pangoli baru nung i pihak kaluarga bayo pangoli na mangalap boru na i oli marjamita. Ima alai mandung mangkarejoon sude pesan moral nai baru mandung mangoban boru na i oli dohot selamat, biasona rombongan boru na ni oli iontang dope i tingga isi sampe acara horja godang siap. Nung do sude rombongan pangalap mandung juk i muloi ma acara managalen boru tu kaluarga ni bayo pangoli dohot namora natoras, muloi mangecek rombongan na i suru naget mangalap boru.