Horja Siluluton (Upacara Kematian)

Horja siluluton on ima acara ni halak na maninggal i halak Mandailing Natal adong do peristiwa sangape acara na totop i baen ima muloi on acara kelahiran, marbagas dohot na maninggal. Acara on ibaen tu 2 (dua) kalompok ima acara na marsifat hasonangan idokon dohot acara siriaon baru acarana marsifat kamalangan idokon siluluton, upacara kematian on sada upacara adat na ibaen pula adong sada halak i maninggal dunia ima i dokon horja siluluton. Dompak naso masuk dope agama islam tu Mandailing Natal palaksanaan ni horja siluluton on manurut ni adat ompu i na jolo narumitan i, najolo pula adong raja na maninggal nangkon na mangusung tu kuburan nai nangkon na mamake karanda na ibaen sadamikian rupa dohot bontuk na bangunan namar tingkat-tingkat baru idokon dohot roto, mambaen parsiapan ni acaranai pe porludo waktu na tarlolot so bsa ibaen acara nai.

Baru nung i patidaon kasedihan na sagat i nangkon na i paraktekkon dohot cara maratapi na maninggal i laos mangaluarkon isi ni ate-ate, bahasona na sedihan na itinggalkon na maninggal i sangape mangandung. Nungdo masuk na islam on tu daerah Mandailing Natal on upacara on muloi ma palan-palan mago arana maratapi halak namandung maninggal i ilarang i agama islam, songkonon parinsip i ima “hombar do adat dohot ibadat” iciob gogo, adat na martentanggan dohot agama i nangkon na itinggalkon, i bagasn adat ni mandailing sada halak i pula waktu marbagas i baen upacara adat na, jadi pula nung maninggal ibaen juo dei upacara ni adat na.

Upacara namaninggal on totop dei i baen I tai tong mandung I baen mangikuti dohot manyesuaion doma tu aha na manjadi pedoman maragama islam on, jadi na upacara on dohot kenduri doma inda dohot horja be. Istilah orja inda ipake be tu acara na kemalangan sangape adong na maninggal jadina jadina horja i idokon tu acara na siriaon doma sangape tu acara na sonang doma, pula i acara siriaon bendera-bendera ni adat i pasang ihalaman ni bagas manghadop kaluar bagas, jadi pula acara silulutong bendera-bendera i ibalik manghadop tu belakang nai sangape manghadop tu bangasan ni bagas nai ima tandan a na lagi marduka cita.

Baru isamping nai i donok tangga Bariba on kiri ibaen tempat manyusun ni tungkot na ibaen on batang tiolu na dijujar (sajenis batang naso tarkuat arana ipake jadi tungkot ujung nai mandung sega) baru tiolu on i susun sadamikian rupa dohot podang, tombak dohot payung. Na jolo acara adat namaninggal napontingan dei apalagi tu kaluarga ni raja-raja, anak ni raja pula ayah na maninggal wajib mangadatina (mambaen upacara adat na) pula indape I adaon upacara ni adat ni ayah nai jadina i anggap namaninggal i indape na i tanom bope sabotulna indape na itanom. Baru satorusna anak nai tetap dei les marutang adat baru anak nai inda bisa manjadi raja panorus ni ayah nai arana urang sarat nia.