Mambaen Uyup-uyup

Mambaen Uyup-uyup Muda musim manyabi adong sada na manjadi kabiasoan ni dakdanak ima di luat ni Mandailing ita dokon gorarna mambaen uyup-uyup. Uyup-uyup ima tarsongon tarompet namenek tai dibaen sian saruas batang ni eme na mandung di sabi. Eme na mandung disabi i, dipili ma didia batang na godang-godangna dungi tarposo muse, gunana muda murmagodang batang ni eme nai, murmakuat ma sorana. Parjolo disabi muse ma batang ni eme namandung di pili nangkinani, baru dibuot batang na poso na godang nai, digotap mei pake sasabi ima di ginjang ruas nai dungi ulang lupa sian ginjang dibaen ruas ni batang ni eme i, sian toru antong ulang marruas be di baen. Dungi dibuot ma lidi ni arambir sangape batang ni eme na menek, dipamasuk mei sian toru nibatang ni eme na marlubang i, sambil dijuluk diputar-putarkon mei lidi nai gunana anso mela adong dibagasan warna na bontar na manyumbat udara kaluar-masuk muda diombus ima na idokon unok na. Habis i dipisat ma batang ni emei pas ditoru ni ruas nai di usahoon so marotak manjadi opat tapi ulang sampe tu toru rotak nai. Baru dipisat ma sian ginjang ni ruas nai sambil di ombus so lancar udara nai kaluar habis i uyup-uyup siap digunaon.

Bisa muse muda get martamba kuat do begeon sora ni uyup-uyup on di tamba ma di ujung na ngon toru nai dililitkon ma bulung niarambir marputar-putar mula murbahat godang lingkar ni bulung ni arambir na di baen i mur makuat musema sorana.