Manjombur

Manjombur ima sada karejo pahiang eme na baru isabi. Manyabi bisa didokon ima panen.Manjombur biasona ibaen pakek amparan sangape tare-tare. Manjombur biasona ikarejoon di halaman na bolak, di jolo nibagas. Umak umak daganak on ma manjago jombur biasona.dungi adong do muse alat na I gunaon pula gehet pararakkon emei dohot manggaorna. Dungi ra do on manombo umak umak I mula gehet manyerak eme I ibaen ia dohot pat nia. Biasona manjombur eme ikarejoon pula madung siap mamurpur sangape paiaskon eme na lambang non batang ni eme i. eme na madung ipaias biasona dipamasuk mei tu bagasan ni goni. Harana pula dapot eme na urang koring, goni nangkinan ibuka mei eme i dungi I sarsaran mei di bagas ibaen ma diginjang ni amparan I so ulang bucuk eme i. dungi pula madung las ari I eme nangkinan ipakaluar ma non goni I so ijombur. harana mula isimpan do eme na hurang hiang I ra do on masego eme I dohot marubah warnana manjadi gorsing dohot uap na pe muap mompap dungi pula padudaonna iba ra mei non eme I Malala ia. Ro ma harani na Malala eme i pula gehet gadison nia urak ma harga na. mula atia manjombur eme iba angkon na ijagoan dei indak tola itinggal tinggalkon I harana na bahatan non ro manuk, amporik dohot Binatang na mangan eme, dungi cuaca pe angkon na iligi dei harana manombo ra do ompot golap ari i. Tando ni eme na madung hiang biasona umak umak i i sargut ia ma eme i sanga madung dotuk sanga pir, mula madung pir eme i tando na mai madung hiang ijombur eme i. mula dung hiang ma ilala eme i i daik mei ipakumpul mai eme na ipararak di amparan i dohot ibuot ma sonduk ni eme niba so bisa ipamasuk tu goni i dohot ulang lupa manyadion tali dohot jahit goni na, harana pula madung siap ipamasuk sude eme i tu goni i baru ikarejoon mai manjahit na rapat so baru pula get ipadudaon tu masin eme i idokon ma ialap parmasin i eme niba i, dungi eme na ijombur i manombo indak langsung ipagilingkon ampuan ni eme i sude i cukup balanjo nia ma ia i. harana ntong baya manombo na porlu do giot gadison nia pasikolah anak nia, jadi targantung ampuna eme i mai sanga sonjia giot baenon nia. eme di bagas ni halak dihuta manjadi kabangggan ma lala ia i mula bahat martimpo timpo eme nia di bagas i.