Manyabi

Manyabi ima sada karejo na martujuan mambuat atau palagutkon eme na madung masak disaba mamake sasabi. Angkon na manat-manat do iba manyabion anso inda mabugang tangan niba. Angkon na i pastion panyabi (alak na manyabi) i do sasabi on tajom anso bisa manggotap pangkal batang ni eme sahali tarikon. sahali manarik i dapot ma sanggolom eme na di lehen tu na manyagei(alak na papindah eme na madung i gotap tu bunbun). Eme nadi bunbun i muse ma di oban tu pardegean. Mandege ima manyarak burir ni eme tingon batangna.

Manyabi on inda um manggotap eme. Manyabi on di dok ma horja na di saba, harana pula manyabi rami-rami do di marsitolong-tolongan dohot mar mangan-mangan sangape na di dok Manyaraya. Di na Manyabion ma di pajongjong rinti (sopo ganan ni sagean).