Marbabo ( ankola-mandailing)

Marbabo

Marbabo, i tapanuli ima sada karejo paiaskon duhut di saba, bope duhut nauliang dirumpun niema nai bopen nadi batangi na i. Marbabo on biasona i karejon sasabagas, inda angkon marsialap ari. Arana marbabo i inda angkon na di pasiap songon namanyuan.

Marbabo ikarejoon dua noli tiop marsaba, ima marbabo pasadana dohot marbabo paduana, karejoon on inda dao marbeda.

Dua poken dung di tanom eme i, baru dikoringkon saba i, so mate keong nadi saba i. Duhut i tubu mulakin, harani i ma marbabo pasadana, duhut nauliang di dirumpun dieme i dipais. Soni buse duhut nadi batangi i. Duhut i biasana mamo do on di babo, arana tarrondam aek, ima so momo dibabo.

Dung di babo duhut i tarida ma pargodang ni eme i. Soni buse eme namasego arani ro nyae ni eme i, arani i ipaias ma batang ni eme i anso denggan tubuna.

Nyae ni saba i dung di pakoring aek na i ima ro suruk-suruk, tarsongon kurindik, binatang on jarang do tarida harana tinggal di bagasan tano. Borngin ni ari. Kurindik i kaluar sian bagasan ni tanoi dipangan na ma batang ni eme i. Arani i ma waktu marbabo satiop rumpun ni eme i dipareso mangaligi batang ni eme namasego. Batang ni eme mnamasego i diambungkon anso ulang mangganggu tubu batang ni eme nalain na i.