Marbata
Marbata Bahat parmayaman ni dakdanak na tarbonggal diluat ni mandailing. ita dokon majolo guarna maralio, marsimbak, marbakakuit, marbata dohot bahat dope muse parmayaman lainna.[1] Sian na ita dokon nakkinani na lumobi tagina dilala dakdanak ima marbata. Marbata ima sada parmayaman ni dakdanak na mamake lampak ni arambir, i dokonma guar ni i sabut. Sabut on mada na ibaen jagoon ni halak namanjadi bayo diparmanyaman on. Nai dokon bayo ima halak na talu atiha mar uwang. Mar uwang nada lain pas ma on songon na mar hompimpa, pala dua halak nai doma na tinggal, ipa lanjut ma dohot mar pis. Mar pis on mamake jari ni tangan tolu mocom, molo jari telunjuk dibaenma antusanna halak sanga jolma, ibu jari antusanna ima gaja dohot na patoluna ima jari kelingking, antusanna ima porkis. Molo porkis pasuo dohot gaja na monang ima porkis, muda jolma marsuo dohot porkis na monang ima jolma, molo jolma muse marsuo dohot gaja monang mai gaja.
Dakdanak na manjadi bayo i disuru mei ke mandao. Sada alak adong ma na maniop sabut, baru di ambungkon ma sakuat ni tenaga ni ibana, suda alak nadot i marmonjapan ma sude, dungi bayo nangkinani dialap ia mantong sabut na di ambungkon i. Subaru dipapayak ma sabut on di sada inganan tano na tar lapang. Dung di papayak sabut di ingananna, dijalakima alak na monjap nangkinani. Molo adong na tarida didokon ma guar ni alak nai, laos di degeon muse ma sabut i baru didokon bata. Muda sijagolap guar ni dakdanak nai, didokon ma “jagolap bata”. Songonima di baen sampe dapot sude halak na monjap i, Ise na parjolo ima muse ma na manjadi bayo salanjutna.
Muda adong alak naso tarpaida ni bayo i, lari ma halai nai ima tu sabut i laos didegeon ma sabut nai ulang lupa didokon bata. Muda songonon ia inda bisa manjadi bayo, angkon na bayo nai do parjolo mandapotna so bisa manjadi bayo na sanga pe panjago salanjutna. Adong muse, bope dung bahat dapot bayo i, anggo andong na mayantik lek bayo na porjoloi dope bayona. Manyantik ima molo adong alak nadohot on, pajolo ia sian bayo i mandapot sabut i baru diambungkon ibana, na songonan na jopan ma roha ni alak na dapot nangkinan arana on mada nai dokon parmainan diulaki. Ra do manombo bayo nainan sajo bayo nai inda margonti-ginti arana na di orgong ni halak do antong bayo naparjolo i. nai dokon di orgong muda bahat alak mangosom sa, so ia sajo bayo.
Ima molo bayo ita, di usaon do ulang ma dao tu sian sabut i, anso ulang tarsantik halak, dungi inda tola muse antong ma donok tu sajo iba muse, harana muda donok-donok sian sabut on didokon nihalak i mei, “jago-jago pira do bayo”.