Marorot

Marorot ima sada karejo manjago daganak, manjago daganak biasona dikarejoon alak namandung marripe sangape namandung adong sinuan tunasna. Marorot bisa muse do i serahkon tu alak nagodang sangape namandung manginjang magodang dipamatangna. Adong muse dope paroroton on dilehen tu Sinuantusna na paling godang. Na biaso karejo marorot on dibaen ima pala ibana ke tu saba sangape kobun. Amang dohot inangna markarejo laeng sinuan tunasna ma manjago angina. Biasona marorot on dikarejoon ima disopo dungi muse adong do parompa nai kobetkon tu tiang ni sopo i, sada dokobetkon disiamun dungi sadanai disiambirang dohot dipamasuk ma daganak nai parorot i tubagasan diparompa naikobet nangkinani sambil ditulakkon sampe mutuk tu jae dot tu julu nasongonan idokokon ma on mambue-bue

Mambue-bue urang do diraso pasna muda inda pe ditamba dohot ende nai dokon bue bue, bue-bue on dilogu on sampe tarpodom danak nagkinani. adong muse dope marorot sambil marceken. marceken on dikarejoon inangna atia sonang roha ni ibana, ditiop ma katiak ni dakdanahon mukona dibaen adop inang nai, baru diangkat mon tuginjang dot tu toru ditamba muse dohot ende dot logu. sude tujuan nion mambaen sonang diroha nidakdanakna sampe modom so bisa inang nai karejo sangape marusaho.

Sumberna

Sibarani, Robert, MS. Ensiklopedia kebudayaan kawasan Danau toba. Kemdikbudristekdikti. Balai Pelestarian nilai Budaya Provinsi Aceh : Aceh-Sumut