Pagincat Batu

Pagincat batu inda sada halakpe nabisa mangindaon holong roa ni amang dohot inang natotop taraso mangalir di denyut nadi ni anakna bope amang dohot inang i inda adong di donok niba. Tu halak angkola-mandailing, manghormati amang dohot inang inda sakadar adat sangape filsapat ningolu dibagasan ni namarmasyarakaton malainkon lobi patidaon hormat sangape santun niba tarhadop amang dohot inang. Holong roa niba tu amang dohot inang inda angkon na dompak mangolu alai tai dung maninggalpe alai les na di hormati dei. Dung bahat harina sangape mamarbulan amang inang i di kuburkon, dohot etongan hari sangape bulan naganjil, keluarga nai marpor niroha anso dipaginjang batu kuburan ni amang inang pake batu nagodang dohot najeges. Muda keluarga nai namaradong, angkon najegesma ukiran ni batu nisannai.

Karejo on idokon pagincat batu. Paincat batu dibaen sian dua kata ima gincat itambah dohot prefix/pa/dohot kata dasor ni batu. Kata gincat dison artina dipaginjang ganan ni batu nai ngon nabiaso, kata batu ima namararti benda keras dohot padat namarasal ngon bumi sangape planet nalain, tai inda logam. Dungi, prefix/pa/ marguna tu bontuk kata kerja aktif namararti “mambaen”. Suku angkola-mandailing purcayo bahaso paginjang batu ima sada caro patidaon rasa hormatta tu amang dohot inangta namadung maninggal. Salain i, karejo paginjang batu ima sada cara patidaon raso parsudaroan nagogo tu halak namadung maninggal.

Batu najeges-jeges dipayakkon denggan diginjang ni kuburan, salangkon dikuliling ni kuburan i ima dibaen/disusun dohot batu nagodang-godang. Batu nisannai dibaen ngon batu pipih ima godangna 1m x 1,5m. adong juo batu nisan nai namarlainan ukiranna, adong na sederhana tai bahat artina. Onma parubahan naparjolo di bangunan na diginjang kuburan.