Poken Jong-jong
Poken jong-jong ipadomu ngon dua hata ima poken dohot jong-jong. Poken antusanna ima “pasar”, pala jongjong antusanna “berdiri”[1]. Istilah poken jong-jong on biasona di tabalkon tu poken nasatongkin sajo, tarsajom dua jom mantakma. Poken on biasona marlangsung di manyogot niari harana nahum bahat digadis dison ima hasaya dapur tarsongon guleon, ingkayu (sayur-sayuran) gulaen, miak, sira, dahanon dohot nalainnai. Panabusina baiasona inang-inang naget sosak mardahan manyogot ima so inda jabat jugukbe waktu transaksi dohot parjagal nai. Parjagal naipe bahat do parjagal namarsiompot harana sayur naigadisi biasona hasil ngon kobun sandiri do songoni juo gulaen biasona naitangkup natuari do naigadisi di poken on.
Mangihutkon parubahan ni zaman, barang nadigadis pe muloima ma marragam rupo toke bahat naro marjagal adong sannari namanggadis abit, pinggan, jamu, ayam-ayam ni daganak, panganon kue-kue, ulang be antong di musim buah bahat mai namarroan buahi tu poken jong-jongan. Dungi waktu namarjagalipe manjadi malolot biasona habis jam 8 madung marmulakan ma halak sannari bisa sampe tonga ari.