Taman Eden 100

Taman Eden 100 ima porlak nadi pature Bapak Marandus Sirait namarukuran urang lobih 40 hektar na di huta Sionggang Utara, Kecamatan Lumban Julu, Kabupaten Toba, Provinsi Sumatera Utara. Um itandaan dope gorar na Taman Eden 100 ngon Taman Eden harana isuani 100 lobih suanon Endemik songon: andaliman, tahultahul, antasara, manga, tarutung dohot nalain nai. Suanon on sangajo ipature so mangolu flora nai. Panatapan Sampuran, Lubang ni Haluang, dohot Dolok Peleng na marupahon ganan na dihalomohon partandang na ro tu Taman Eden 100.

Panyuanon Andaliman dohot Anggrek harangan Toba marupahon suanon na baga i lala partandang. Andaliman marupahon suanon na gabe bumbu pamasakon panganon khas ni halak batak. Panganon tradisional na mamake Andaliman, ima: arsik, naniura, sangsang, panggang, sambal tuktuk, dohot napinadar. Bumbu Andaliman marupahon bumbu na mambaen tar-siak di dila.

Pangalola ni Taman Eden 100 pe mampature suanon Anggrek khas Toba, na baga dohot inda talu marsaing dohot Anggrek ngon luar wilayah Toba. Hamaradongon Taman Eden 100 maradong di adaran ginjang ni Toba, ima 1760-2150 i ginjang ni permukaon laut. Udara namartiup i Taman Eden 100 purpur sangat dohot gabe mambaen hita tahan di Taman Eden. Asal aek na purpur, dor dibaen maridi ni halak na ro gabe paborgo ni ibana.

Ngon taman eden, partandangon bisa manatap baga ni Danau Toba. Panatapan on mambaen borgo dohot las ni roha ni partandangaon na langsung marnida i. Bolak ni Taman Eden 100 urang lobih 40 Haktar, na digunaon gabe Panyuanon suanon khas Batak. Lokasi on marguna tu pelestarion suanon endemik na dor ipake ni masyarakat batak. Pelestarion on marguna sangat ni pelestarion suanon na bisa di baen di ngoluni masyarakat batak.