Tigaras

TIGARAS

Tigaras ima sada inganan naadong dikecamatan Dolog Pardamean. Bahat dalan nabisa manuju tu inganan parmayaman i naadong di topi utara dano Toba. Anggo ita ro sian Medan lewat Berastagi tu Saribu Dolog torus tu Bukit Simarjarunjung dohot nangkan tolab ma tu Pantai Tigaras,anggo ita ro sian Pamatang Siantar adong dua dalan naparjolo lewat Sidamanik dohot nangkan tolab ma tu pantai Tigaras,Dalan napaduana lewat sian simpang Raya nangkan tolab mai tu Tigaras.

Dompak so manjadi Tigaras, inganan i margoar Tappuk Kuala maruba ma manjadi Tigaras Harana kampung i ima sada poken inganan nihalak marjagal. Hata Tigaras marasal sian tolu ibagasan bahaso Simalungun ima artina poken dot ras artina ras. Tigaras ima sada poken inganan parsuoan ni halak nabahat get majagal dohot manabusi. Halak nabahat namarroani tu poken i ima naro sian pulo samosir dot halak na sian Kabupaten simalungun.

Pala ita ligi sian purba ni Tigaras, adong mai sada tanjung. Tanjung i mirip dohot tanggurung ni unto ima soidokon goarna Tanjung Unto. najolo Bapak Muhammad Hatta jadi wakil Presiden R.I,diharoro ni bapak i tu dano Toba maligi Tanjungi tarsongon Unto namodom natarida umna tanggurung ni untoi sajo maia, ima soibaen goarna Tanjung Unto. Saonnari, inganan nai Tigaras i madung rami. Di tolu ras adong pantai nadegesan bisa ita marmayam tusi, Pantai Raya, Pantai Garoga, Tanjung Unto, Pantai Paris dohot Pantai Kenangan, adong juo Tugu DJ. Damanik madung jungada manjabat Bupati Simalungun, tai dalan tuinganan i payah dope, ima so porlu iparroaon Pamerintah Kabupaten Simalungun

Tigaras i nabahatan namamboto na harana deges hasil nikobun bawang, mangga na manisan rasona, ima sosonang roa ni halak luar pala mulak sian Tigaras.