Bagas Godang

Bagas Godang ima bagas berarsitektur Mandailing dot kontruksi na khas. Bontuk na parsogi opat (persegi panjang) na I tungkol dohot ayu-ayu nagodang na parbahatna biasona ganjil. I bagasan nai adong pantar jolo, pantar tonga, bilik podoman, dohot di balakang Ima tataring inganan parsondukan. Na I baen sian ayu, martaruma dohot pitu sanga sambilan anak ni tangga, marpintu na bolak,mar sora na gogo pala I buka. Bontuk ni tarup nai tarup silengkung dolok songon tarup ni padati. Satiop Bagas Godang adong Sopo Godang na inganan ni parpokatan Sanga aha na masa na muba di banua i, songoni juo dohot opuk na inganan ni eme. Sudena magadop tu Alaman Bolak.

Di bagian Bagas Godang adong gorarna alaman bolak tola i dokon molo di bahasa paradaton Ima alaman silangse utang inganan ni situan na totop dohot si tuan na jaji marlagut molo adong na masa na muba di banua i. Alaman bolak bisa juo i baen inganan ni banjaran ruas ni paradatan. Jot-jot juo idokon alaman bolak silangse utang. Maksudna ise pe na marlojong tu halaman i manjalaki keselamatan, ia op kop raja i.

Sopo Godang imada inganan ni mamokatkon paraturan ni adat. Salain I, bisa juo i baen panguroyongan ni na pande, inganan marsiajar adat dohot bayuon, bisa juo jadi inganan ni Koum na giot martandang .Marmocom patik, uhum, ugari, dot hapantunan sorang Sian Sopo godang on. I juo di baen tu manarimo Koum-koum na godang. I baen martaruma dohot inda mardinding anso bisa situan natorop situan na jaji mangaligi sude aha-aha na tar jadi di bagasan Sopo Godang. Arana Sopo Godang I dokon juo Sopo Sio Roncang Magodang, inganan ni partahian paradatan, parosu-rosuan ni hula dohot dongan.

Sopo Jago ima inganan naposo bulung juguk-juguk sareto jago-jago dohot Manaili kampung.

Sopo Godang ima inganan manyimpan Gordang Sambilan songoni paraget ni paradaton, biaso i dokon bilik momosan.

Sopo Eme sanga opuk ima inganan manyimpan eme na madung i sabi, lambang kemakmuran I huta.

Sude komplek bagunan bagas Godang na jolo I inda marpagar. Sakalipe raja na manempatina, ima sude bagunan i anggap nampuna ni masyarakat dot I muliakon warga huta.

I Mandailing, adong marmocom bentuk ni orgamen (hiasan) tradisional adong ita nida I bagian ni Tutup Ari gon Sopo Godang (Balai Sidang Adat) dot Bagas Godang (bagas Godang Ni Raja).

I saro Mandailing, orgamen-orgamen i idokon bolang na marfungsi tu symbol sanga lambang na adong makna-makna na dalam tu masyarakat Mandailing.

I bagasan adong nilai-nilai, gagasan-gagasan, konsep-konsep, norma-norma, kaidah-kaidah, hukum, dan ketentuan adat-istiadat na manjadi landasan i pengangan ibagasan mengharungi bahtera kehidupan. Bolang sanga ornament tradisional Mandailing na igunaon tu Tutup Ari marlambang ibaen gon tolu jenis material.

pula bagas godang saro najolo pajonjong na marpulungan doi, inda tola sumbarang kalak i dohot mangkarejoon na dungi inda marlabang bage i bagas nai bope godang-godang ayu nai pake i

Tutup Ari Bagas Godang

1. Tumbuh-tumbuhan, songon batang bamboo na malambangkon huta sanga bona bulu, burangir sanga aropik namalambangkon Raja dot Namora Natoras songon ganan ni maido tolong, pusuk ni robung na idokon bindu namalambangkon adat Dalian na Tolu sanga adat Markoum-Sisolkot.
2. Hewan, songon Kalajengking dot Lipan namalambangkon “bisa” na adong kekuatan hukum, ulok namalambangkon kebesaran dot kemuliaan, parapoti namalambangkon kegiatan manjalaki nafkah get manghidupkon keluarga, tanduk ni orbo namalambangkon bangsawan.
3. Peralatan hidup sehari-hari, songon timbangan dot pedang namalambangkon keadilan, tempurung namalambangkon pertolongan na namambutuhkon, loting namalambangkon usaha-usaha manjalaki nafkah, dot lain-lain nai.