Mandailing (sajak)
Mandailing Ima sajak na ibaen Willem Iskander satontang luak dot hangoluan i Mandailing. salain i adong juo do ende-ende na adong i mandailing ima sabgaian i pake tu naposo-poso dohot tu bujing-bujing tai tong pas maso panjajahan i adong juo ma ende na marbontuk parlawanan tu panguasa i maso i pas panjajahan bagen
Ende-ende parlawanan tu panjajahan
[pature | pature sumber]Boti bargot, boti puli
di jae julu ni Barbaran
Boti saro, boti kopi
boti rumput ni hajaran.
Sipuntung na tartobing,
si roken manopi-nopi
Muda untung na tarlobi,
halak tu poken iba tu kopi.
Intap kuligi Tanobato,
anta marmombang kare-kare;
Intap muli alak Ulando,
anta sumonang kate-ate.
Ende-ende poso-poso bujing-bujing
[pature | pature sumber]1.Gambir ni naga sontang
Dumarondom bona ni bulu
Matanta pe nian patontang
Dungma sombu halulungun
2 Nitaba siayundolok
Na marumbak tu hayu na rumbunon
Dung baya pabalik-balik dolok
Nilabu tombom silungunon
3. Niahuai binoto
Dapot disabi sarıumbungan
Niahuai baya binoto
Dapot di ari paruntungan
4. Rindang kurindangi
Sarung ni raut kubarbari
Tu ginjang kusigei
Tu ipar ni laut kurayari
5. Ambasang ni sipajao
Dirombar kodong do lidina
Pamatang padao-dao
Dihombar modom do tondina yang dicintainya
6. Ter! ning baja bulu
Mangite landuk di tomboman
Panyerbeng ni mata muyu
Songon raut na tajoman !
7. Nirambas unte mungkur
Na madabu dohot na mata
Ngada aru binoto tutur
Dibaon impol ni mata
8. Udon do huali
Pardahanan tu Barumun
Huahua do ulani
Pangantak ni na malungun
9. Alogo ni alogo
Alogo ni tobing Barumun
Niahua do ulani
Pangantak ulang malungun?
10. Harias ni Panobasan
Talpokon ni na mandurung
Arian so habolasan
Potang ari markalalungun
11. Masa lancat na hinan
Masa tarutung ma sannari
Padanta na hinan
Pasombu lungun ma sannari
12. Manuk kulabu sende
Na nitambat di dulang-dulang
Dung, baya ! na so marsere
Dilangkup kalak boru tulang
13. Sitopu ma sannari
Muli sitarak do i sógot
Martomu ma sannari
Muli marsarak do i sógot
14. Didok ko na so adong sorkamu
Moldop do mata incirmu
Didok ke na so adong rohamu
Moncong do panailimu !
15. Aek simate-mate
Paridian ni paspar kuring
Jaru pe i dalan mate
Ngada tarorom so mangkuling
16. Labujir ni Tabuyung
Malua horbo di pompangan
Manulak di bona bulu
Mamun ko di bagas partandangan
Sajak
[pature | pature sumber]O, Mandailing Godang,
Tano ingananku sorang,
Na niatir ni dolok na lampas,
Na nijoling ni dolok na martimbus,
Ipulna na laing bubus!
Tor Sihite tingon julu;
Patontang dohot tor Barerang
Gurung-gurungna manompi Lubu,
Bohina mangadap tu dolok Sigantang.
Muda Hutalihon tu utara,
Laho manindo tu irisanna,
Jongjong ma huida Lubuk Raya,
Asa manjoling dook Malea.
Muda Hutindo tingon Bania,
Hutatap ma aek ni Batang Gadis,
Mangelduk-elduk dalannia,
Atir hamun jior marbaris.
Jaru pe ia aek na rara,
Na suntut godang jaotanna,
Tombal bondar panombar saba,
Tusi ma da muarana.
O na marsaba na bolak,
Muda disabur ho sajual same,
Dapot ho ma onom pulu jual mulak.
Ho ma na garang manggadis eme.
Na tumbur ma nian tanomu,
Tai laing tong do ho longang,
Jaru momo pe dibaen hosuan-suanon mangolu,
Inda ro halak tu ho mardagang
Aha ma rohai tue!
Dalanna so nada rami,
Anso Torang di rohanami.
Ia di Jae ni Batang Angkola,
Taringot tu Aek Godang,
Songon na muntul ia mulak,
Baon sompit boluson tu Batang Singkuang
Muda ro sirumondap udan,
Magodang ma batang ni aek,
Dibaon sompit hadabuan,
Jadi tu darat doma manaek.
I ma da, dongan, dalanna,
Anso Jadi bonca-bonca,
Holas na haruar tingon bagasnna,
Arun sajo do diobansa.
Adong halak ruar
Na mian di Panyabungan,
Tibu ia haruar,
Baon ia madung busungan,
Inda, ale hum i sajo,
Dalan ni jagal ngada manjadi
Tai adong dope dabo,
Tor Pangolat ngada tarbolus padati
Tai jaru songon i ba,
Dengganmu sai hurang,
Nada huparmuda ba,
Angke dison ma huida parjoloa ari torang.
Tinggal ma ho jolo ale,
Anta piga taon nada huboto,
Muda huida ho mulak muse
Ulang be nian sai maoto
Laho hita marsalak,
Marsipaingot dope au di ho,
Ulang lupa paingot danak,
Manjalahi bisuk na peto