Willem Iskander
Willem Iskander (sorang 1840 – maninggal tahun 1876) ima sada alak namanguluon parsikolaan sian luak Mandailing, Sumatera Utara, Indonesia. Willem ima sada pujangga na manyair satontang parsikolaan dot holong ni roana tu tano hasoranganna.[1]
Willem Iskandar on ima sada tokoh sangape halak na itanda na pature pandidikan na marasal sian on Tapanuli, sian on syair-syair na ibaen iya on ma mamuloi parjuangan nia na parjolo mamajuon pandidikan I tano kalahiran nia, salain manjadi sada seniman, panulis dohot tokoh mayarakat I ima imaso niai, iyape sada halak cendekiawan na parjolo sian tano Batak na manompuh pandidikan na formal sampe tu Belanda ima I taon (1857) sampe na iya I Belanda maso i. itaon na inan ima I bulan September muloi ma iya marsiajar panbukaan na ima I Vreeswijik dohot Arnhem, nung i masuk sikola guru I Amsterdam.[2]
Dung do salose marsiajar ima sabagai guru iya pe mamutuskon ma anso mulak tu negara nia mulakan, samuloi on maso I muloi ma iya mengabdi tu negara on tar husus ma I dunia pandidikan, baen na usulan nia on ima tu Prof. H.C. Millies tu Manteri Koloni dohot Gubernur Jenderal, jadina I pajongjong ma sikola na margolar Kweekschool I Tano Bato isima iya karejo juo mangajar manjadi sada guru.
Jae juluna
[pature | pature sumber]Sorang dohot gorar Sati Nasution, Harajaon Sutan Iskandar, gorar natarsurat i akta hasoranganna (acte van bakenheld), Surat, belsit, piagam dot surat nikah, Willem Iskander (Gorar sidung ia ibaptis i Arnhem, 1858) sorang i Pidoli, Mandailing Natal. Ia pahompu pa-11 sian marga Nasution. Ia anak silitonga tingon opat marsudaro.[1]
Sikola
[pature | pature sumber]Ia muloi marsiajar i Sikola dasor (Inlandsche Schoolan) i Panyabungan Kota, Mandailing Natal (1853-1855). Februari 1857 ia marangkat tu Bolanda rap Alexander Philippus Godon, Asisten Resident Mandailing-Angkola anso palalu Sikolania. Parjolo ia marsiajar i Vreeswijk, anso bisa malanjutkon tu sikola guru. Ia ibantu A P.Ghodon dot Prof. H.C. Milles (Guru Filsafat, Sastra dot Budaya timur i Utrecht) anso mandapatkon beasiswa tingon harajaan Bolanda, tai mandapot tantangan tingon parlemen harajaan arani ianggap Kristenisasi i panuoran sikola, tai Prof. H.C. Milles marhasil mayakinkon anggota Parlemen. Willem akhirna dapot beasiswa i Sikola Guru (Oefenschool). Ia lulus dot mendapot ijazah Guru bantu (Hulponderwijzer) 5 Januari 1859.
Taon 1874 ia kehe mulak Malanjutkon sikolana tu Bolanda padua nolina anso mandapatkon Ijasah Guru Kapala Sikola (Hoofdonderwijzer). Ia marangkat rap Benas Lubis (Muridnia), Raden Mas Surono tingon Kwekschool Surakarta, Mas Ardi Sasmita sian Majalengka[3]
Hangoluan na
[pature | pature sumber]Willem Iskander on marbagas dohot ima Maria Jacoba Christina Winter 27 Januari 1876, usia marbagas nalai ima nungna 103 ari maiya baru nung I inda adong anak nalai. Iya pe maninggal ima I tanggal 9 Mei 1876 i Amistedam. Pas ma i parjolo taon 1876 I Willem Iskander mar bagas ma iya dohot ada boru sian Belanda ima na margolar Maria Christina Jacoba Winter
Karya-karya Williem Iskandar
[pature | pature sumber]Willem Iskander on inda nung man jadi guru sikola sajoon tai tong iya pe pangarang, panerjemah, dohot panyadur juo ma saonok na inan iya pe mandung mambaen karya ima Si Hendrik na Denggan Roa, buku Barita na marragam, buku basaon, buku Naskah Si Bulus-Bulus Si Rumbuk-Rumbuk, dohot kumpulan prosa dan puisi[4]
Ligin muse
[pature | pature sumber]Sumberna
[pature | pature sumber]- ↑ 1,0 1,1 Kisah Hidup Willem Iskander, Pionir Pendidikan dari Sumatera Utara i okezone
- ↑ https://edukasi.okezone.com/read/2017/10/30/65/1805052/kisah-hidup-willem-iskander-pionir-pendidikan-dari-sumatera-utara?page=1
- ↑ Di Negeri Penjajahan (Orang Indonesia di Negeri Belanda 1600-1950), Hary A. Peoze (Sumbangan tulisan dari Cornelis Van Dijk, Inge Van Der Meulen)
- ↑ https://daerah.sindonews.com/berita/1252704/29/willem-iskander-pionir-pendidikan-dari-sumatera-utara/20